Guwahati, December 1 : APSC cash-for-jobs scam te shamil thaka nimitey Assam laga komsikom 15 sarkari official suspend hoisey kuntu te Assam Civil Service (ACS) aro Assam Police Service (APS) shamil asey.
Suspend huwa ACS aro APS officer khan tu : Kalyan Kumar Das, Nandini Kakati, Faruk Ahmed, Dipankar Lahkar Dutta, Nitumoni Das, Rumi Timungpi, Kul Pradip Bhattacharya, Nilanjan Gogoi, Analjyoti Das, Shahjahan Sarkar aro Aishwarya Jivan Barua asey.
Etu sob 11 officer laga opor te 2013 te APSC para Common Entrance Exam (CEE) conduct kora homoitey galat kaam kora te shamil thaka laga iljam asey.
Etu agey te, alag 4jun Assam Civil Services (ACS) officer khan bi etu same case te suspend hoisey.
Taikhan tu Akashi Duwarah, Additional District Commissioner of Jorhat ; Dhrubajyoti Hatibaruah, Deputy Secretary to the Government of Assam, Indigeneous and Tribal Faith & Culture Department; Hitesh Mazumdar, South Salmara laga Additional District Commissioner Mankachar aro Dhiraj Kumar Jain, Deputy Secretary to the Government of Assam, Election Department & Joint CEO asey.
Etu logotey, ekdin te total 15 officer suspend hoisey.
Add Comment