Shillong, December 1 : Meghalaya laga senior BJP leader aro South Shillong constituency laga MLA Sanbor Shullai para koisey ki judi Meghalaya laga poila laga CM Mukul Sangma aro Shillong laga MP Vincent Pala para BJP join kuribole faisla kurisey koiley BJP para taikhan ke ekta “red carpet welcome”(dhum dham aro izzat para swagat) kuri dibole tayar asey.
Mukul Sangma kun poila te Meghalaya laga CM thakisey, tai tu rajya laga top TMC leader asey, Vincent Pala tu Shillong Lok Sabha Constituency laga MP asey aro Congress laga state unit laga president asey.
Meghalaya BJP MLA Sanbor Shullai para koisey, “ Judi Sangma aro Pala tu ahikina BJP join kuribole monjur asey koiley amikhan para taikhan ke red carpet bichaikina swagat kuribo kilemaney taikhan tu rajya laga ekta bisi experience thka rajneetik leader asey.”
Agey te, Mukul Sangma para tai BJP join kuribo parey koikina khobor olai thaka tu misa asey koikina koisey.
Etu report aro akhwa khan misa asey koikina etu poila laga Meghalaya CM Mukul Sangma para koisey ki etu tu ekta purana aro lamba kahani asey.
Tai para koisey ki enaka report aro akhwa khan tu 2014 para chuli thakisey.
Tai para enaka koisey, “Ami tu mon dangor aro sida sidi kotha kuwa manu hobo parey, hoi tatey meeting khan thakisey hoilebi etu tu bisi homoi poila thaksiey. 2019-2020 te, ami para bisi meeting attend kurisey kilemaney taikhan(BJP) para 2023 general election nimitey khedai thaka homoitey senior ministers level te meeting rakhibole mon thakisey.”
Add Comment