GUWAHATI: Sunday din Assam chief minister Himanta Biswa Sarma para tui(2) din conference samai Diphu, Karbi Anglong district te districts sob laga deputy commissioners logot meeting thakishe. Chief minister Sarma para alag-alag projects aro state laga rasta map development nemite kotha koishe. Media logot kotha kora samai, tai para koishe ke, DCs aro SPs logot alag-alag conferences thakibo aro hotai 6 moina beche Guwahati bahar te melaikena meeting thakibo koishe. Diphu te tui(2) din thaka samai, state toh jodli bhal hoikena jaboli nemite kam koribo, koikena chief minister Sarma para etu khobor toh junaishe. Chief minister para aro koishe ke, itya laga state government para district administrations logot close contact thakiboli fesla loishe. SP conference toh olop din akhe Kaziranga National Park te loishe aro itya DC conference toh Diphu te thaki ase janaishe. Ministers, MLAs aro tangor senior officials khan be Diphu te ahikena conference samai samil korishe. Sunday din te chief minister para Matipung, Diphu te Arboretum-cum-Craft Centre laga conference hall inaugurated korishe. Tai para aro Diphu te additional director of industries & commerce lagha notun office building toh be inaugurated korishe. “ami Diphu te Assam districts sob laga Deputy Commissioners logot tui(2) din conference thakai toh besi kushi ase aro etu samai state laga rasta map nemite projects bonaikena tayari kam koriboli kotha korishe,” koikena chief minister Sarma para janai thishe.
Assam CM para districts sob laga DCs logot conference thakishe
