Guwahati, March 27 : Tuesday din te Dibrugarh te bhasan diya homoitey Assam laga Chief Minister Himanta Biswa Sarma para ekta dangor bayan disey, tai para koisey, “2026 picheyte, Congress te ekta bi Hindu nathakibo aro 2032 tak te ekjun bi Muslim nathakibo.”
Ahibole thaka Lok Sabha election nimitey nomination tu already suru hoijaisey kotey Sarbananda Sonowal tu Dibrugarh Lok Sabha seat para nomination file kuribole nimitey ja homoitey CM Himata bi tailogotey jaisey.
Press ke address kurikina, CM Himanta para koisey ki Congress party ke charikina ja leader khan laga number ke saikina, kotey bisi congress member khan BJP party join kora dikhisey.
Tai para koisey, “Congress para BJP join kora manu khan laga number ke saikina, etu kobo parey ki Rajiv Bhawan te bisi khali room thakibo hoilebi tatey buhibole karney ekta candidate bi nathakibo. Assam te enaka mohol chuli asey.
Sarma laga etu remark tu rajneetik tension barithaka homoitey ahi asey, aro CM Himanta para aro bisi aggressive stance laga hint dikina koisey, “etu scenario tu titya gorom hobo jitya Narendra Modi aro ekbar Prime Minister hobo. 2032 tak te Congress tu zero te komti hoijabo.”
Add Comment