Shillong, March 27 : Sitting Lok Sabha member aro Shillong laga Congress candidate Vincent H. Pala tu Meghalaya laga ekta sobsey bisi ameer politician laga naam paikina asey.
NPP laga candidate Ampareen Lyngdoh picheyte Regional Democratic Alliance (RDA) candidate Robertjune Kharjahrin tu pending hoikina thaka criminal case declare kuribole thaka second candidate asey.
Meghalaya Pradesh Congress Committee president Vincent Pala para tailaga maiki logotey milikina Rs 100 crore opor dhon declare kurisey. Tailaga ekta jaga para dusra jag ate loijabole pariya sampati jaiseki gari, jewellery khan laga value tu Rs 1,59,27,412 asey aro tailaga maiki laga tu Rs 91,50,217 asey. Pala logotey bisi sampati asey, jaiseki gari khan aro kheti bari nokora zameen khan.
Kharjahrin laga against te Meghalaya Police Act of 2010 laga Section 102 under te ekta criminal case file hoikina asey.
Tailaga hila hili kuribole napara sampati laga value tu Rs 19,264,94 thakisey. Tailaga property laga market value tu etya Rs 50,00,000 asey.
NPP candidate aro Tura laga sitting MP Agatha Sangma laga hila hili kuribolel para sampati laga value tu Rs 52,78, 453 asey. Tailogotey gari nai hoilebi zameen aro commercial building asey.
Agatha Sangma laga khilaf te election laribole thaka Congress candidate Saleng Sangma logotey 4ta gari aro duita bunduk asey aro hila hili kuribole pariya Rs 1,80,49,264 laga sampati asey. Tai logotey Rs 2,20,00,000 laga kheti bari nokora mati aro building asey.
Add Comment