Guwahati, March 20 : Assam MP Abdul Khaleque para Sonia Gandhi logotey ekta meeting rakha picheyte Congress party charidibole laga faisla bodli kurisey.
Ageyte, Khaleque para Congress party para bisi reason dikina resign kurisiley, party laga leadership ke botnam dikina.
Assam laga Barpeta te thaka Senior Congress leader aro Lok Sabha MP Abdul Khaleque tu former Congress president Sonia Gandhi logotey Wednesday (March 20) te New Delhi te discussion rakhisiley.
Etu meeting tu Abdul Khaleque para Delhi te Congress general secretary KC Venugopal ke lok kurikina ekdin picheyte hoisey, tai party resign kora picheyte.
Delhi te Congress leader Sonia Gandhi logotey meeting kora picheyte, Abdul Khaleque para koisey, “Ami para Madam Sonia Gandhi ke kiba discussion kuribole nimitey lok kurisey. Ami tu tailaga opor te pura confidence aro biswas asey.”
