Assam: Guwahati te Ship repair facility bonabo koishe

GUWAHATI: Assam Guwahati, Pandu te ship repair facility joldi kuliboli ase koishe. Inland Waterways Authority of India (IWAI) para ship repair facility, Slipway koikena Pandu southern bank river Brahmaputra te bonaboli fesla loishe. Khobor hesab te etu toh 1^st ship repair facility ase aro Northeast te thakibo. Itya samai ships toh Kolkata te bonaboli putai thakishe aro besi daam aro samai loi thakishe. Thursday din MoU toh  IWAI aro Hooghly Cochin Shipyard Limited (HCSL) pithor te signed korikena ship repair facility Pandu, Guwahati te bonaboli fesla loishe. Indian Institute of Technology (IIT)-Madras para etu facility bonabo nemite technical motob koriboli janaishe. Etu facility toh Slipway nam ase aro etu  3.67 acres land toh Assam government para thikena August 2023 dak te bona kotom hoboli koishe. Etu facility bonabo nemite  estimated kora hesab te Rs 75 crores para bonaboli koishe. Union minister for ports, shipping & waterways – Sarbananda Sonowal para koishe ke, “Ship Repair Facility (Slipway), Pandu Port para toh North East te repair facility/dry docking nathaka toh saikena bonabo. Itya Kolkata te 2,500 km aro 35-40 din paani rasta toh besi asani hoi jabo.” Assam chief minister Himanta Biswa Sarma para janaishe ke, etu project nemite saikena joldi kotom koribo aro sobse bhal quality aro design te bonabo.”