GUWAHATI: Hailakandi superintendent of police, Gaurav Upadhyay para janaishe ke, itya Assam-Mizoram border te halat toh control te ase. Assam-Mizoram border te Tuesday din firing korikena halat toh besi beya thakishe. Khobor para koishe ke, Mizoram side para konuba manuh khan para Darasing Hills oper para kam kori thaka manuh logot goole jolaishe, etu samai Bilaipur jowa rasta te kam kori thakishe. Hailakandi district police chief para koishe ke, goole mara hatsa howa beche itya halat toh control te ase. Hailakandi SP Gaurav Upadhyay para kowa khobor toh media para janaishe ke, Mizoram side para konuba manuh khan para Darasing Hills jaga toh kapzaa koriboli mon thakishe, etu nemite Assam side para pongcha beche police team ekta oper te goole marishe koishe. Border jaga te goole mara-mari kora nemite, police officer para koishe ke, “itya Darasing Hills te halat toh control te ase. Mizoram side te konuba manuh para jaga loboli korishe, hoilebi itya halat toh control te ase.” Etu jawab deya te Assam police para be goole jolaishe, etu khobor toh Hailakandi district laga senior official para janaishe. Mizoram’s Kolasib district laga deputy commissioner H Lalthlangliana para koishe ke, goole toh Assam police para tin(3) jun Mizo manuh logot jolaishe. Kolasib deputy commissioner H. Lalthlangliana para koishe ke, etu hatsa toh jamila thaka jaga Aitlang Tlangpui, Assam’s Hailakandi district osor te Vairengte town laga tin(3) jun manuh toh meat supply koriboli jowa samai thakishe koishe. Etu tin(3) jun civilians toh Lalchhandama, Lalduhawmi aro Vanlalrovi ase aro tai khan sob toh be Vairengte, Hall Veng jaga laga manuh ase koishe.
Assam-Mizoram border te halat control te ase
