Guwahati, December 3 : Sunday phujur te, Assam laga Kamrup district te police para action luwa te, ekjun suspected drugs dhanda kora manu murisey.
Etu ghotna te murija manu laga duijun sathi bi guli lagikina jokhom khaisey.
Reports hisap te, kotba para khufiya jankari paikina Special Task Force (STF) laga ekta team para Agyathuri area te ekta jaal felaisey kuntu toh Guwahati para 14 kilometre du rte asey.
Etu STF team para ekta gari ke rokhaisey kuntu te etu suspect khan buhikina thakisey. Hoilebi, taikhan laga gari rokhaidiya tu guli mara mari te bodli hoisey.
Police para bi jawab te guli marisey kuntu te ekjun suspect murijaisey. Etu operation te baki duijun bi arrest hoisey.
Murija manu laga naam tu Salam thakisey aro tai tu Guwahati laga Hatigaon area te boha manu thakisey.
Tailaga alag duijun sathi kunlaga naam Hiranya Thakuria aro Faizuk Haque asey taikhan ke guli lagiya nimitey Kamrup laga TRB Civil Hospital te shift kuridisey.
Etu samne te ahisey ki police aro drugs dhanda kora majotey guli mara mari huwa homoitey Hima Das koikina ekjun police constable ke bi guli lagisey.
Etu homoitey, Noor Islam aro Rebati Bharali koikina rajya laga duijun manu ke guli lagisey aro TRB civil Hospital te taikhan laga ilaj chuli asey.
Police para etu suspect khan laga haath para bisi hathyar khan paisey.
Taikhan laga against te ekta case register kurisey aro investigation chuli asey.
Add Comment