Agartala, December 1 : Ekta chinta koraidiya mamla te, Tripura State AIDS Control Society on World AIDS Day para ekta nutun report te janaisey ki Tripura te HIV/AIDS laga case ekdam bisi barija dikhisey.
Total report kurikina thaka case tu 5,269 aro etu majotey student khan laga majotey 576 case olaisey.
October 2023 tak te etu infection tu 1,022 maiki, 4,246 mota aro ekjun transgender manu ke paisey.
Etu report para ekta chinta koraidiya mohol banaisey kuntu te hodai moina Tripura te 150-200 nutun HIV case olai asey.
Etu saal laga April para October moina tak,bisi lamba testing kurisey kuntu te 116,318 manu ke HIV nimitey screening kurisey aro 1,111 positive case olaisey.
District hisap te saisey koiley, Tripura laga West district tu list laga top te asey kotey 1,594 case report hoisey, etu picheyte asey Dhalai district j=kotey 906 case report hoisey aro asey North District kotey 763 case report hoisey.
Alag district khan bi etu laga dukh jhelisey, Unakoti te 415 case, Khowai te 542 case, Gomati te 412 case, Sepahijala te 334 case aro South district te 238 case.
Add Comment