Imphal, December 3 : Manipur laga Kangpokpi district kuntu te Kuki-Zo jati khan bohey etu jaga te, law enforcement agency khan laga ekta joint team para katibole tayar thaka poppy kheti ke barbad kuridibole nimitey ekta dangor operation suru kurisey.
Etu aro wapas suru kora campaign, kuntu November 8, 2023 te suru hoisey etu te Manipur laga alag alag jag ate thaka poppy kheti kora pahar 150 hectare opor poppy kheti aro 75 opor chutu ghor barbad kuridisey.
Manipur laga Chief Minister N Biren Singh para etu joint team laga mehnat ke tariff kurisey . Etu joint team te, Manipur police, Forest Department, Central Reserve Police Force (CRPF) aro Reserve Line- KPI, G-SPM-PS aro KPI-PS khan asey aro taikhan tu etu illegal poppy dhanda ke komti kuribole laga kosis te asey.
Manipur Chief Minister Biren Singh para tweet kurikina, bisi alag alag district khan te, poppy laga kheti barbad kuridisey koikina janaisey kuntu te Tangkhul Hundung busti, Mapithel pahari area, Ukhrul district te 30 acre mati aro Kangpokpi police station laga jurisdiction under te thaka Kholen pahari area te 4 acre poppy kheti barbad kurisey.
Illegal poppy kheti khan barbad kuridiya laga kaam chola para Manipur sarkar laga etu khatarnak kaam khan ke hataidibole aro samaj te etu laga galat asar huwa tu komabole nimitey ekdam majboot hoikina kaam kora laga dikhai asey.
Poppy kheti aro etu logotey jurikina thaka infrastructure ke barbad kuridiya tu etu gair kanooni kaam te shamil thaka manu khan nimitey ekta shaktishali bhoi khelaidiya laga mamla banaisey aro ekta kamyabi hasil kora aro drugs para mukt thaka rajya banable nimitey rasta khulidi asey.
Add Comment