Imphal, December 3 : Khatarnak hathyar bukhikina thaka 3jun youth para Manipur laga Janata Dal-United (JDU) laga leader laga jaan lobole kosis kurisey kuntu te taikhan kamyab huwanai. Etu ghotna tu Saturday rati te Manipur laga Thoubal district laga Waithou corner te hoisey. Aro etu jankari tu official khan para Sunday din te disey.
Hathyar bukhikina thaka manu khan tu ekta boga car te ahikina Saturday laga rati 9 pm fale Waithou bridge laga osor te JDU Manipur Youth Wing president Bhaktaraj Thiyam laga car ke rokhaisey.
Etu JDU, Manipur Youth Wing President laga pehchan manga picheyte, etu hathyar bukhikina thaka manu khan para etu JDU leader laga haath para olop poisa aro kunba docuent khan lootisey.
JDU Youth wing president Bhataraj Thiyam para para newsmen khan ke koisey ki tai tu tailaga jaan nimitey bhoi khaikina tailaga asli pehchan tu koi diyanai aro enaka kurikina tailaga gari tu teji para cholabole manage kurisey.
Hoilebi etu badmash khan para tailaga car laga windscreen khan ke barbad kuridikina tailaga car ke hamla kurisey.
Etu connection te, etu JDU leader para koisey ki tai para police ke complaint kurikina etu 3jun mujrim ke kiman joldi parey eman joldi arrest kuribole request kurisey.
Tai para etu bi koisey ki etu hamla ki nimitey kurisey etu laga karon janibole etya bi baki asey. Bhaktraj para etu jurm te shamil thaka manu khan ke ahibole homoitey enaka kayar laga kaam tu wapas nukuribole koisey.
2022 te JD-U para 60-member thaka Manipur Assembly Election te 6ta seat jitisiley, hoilebi JD-U laga 5jun MLA para election jita logalog BJP join kuriloisey.
Add Comment