November 11,2020: Punjab National Bank Hojai Branch, laga branch manage Mridul Das para Tuesday din te suicide kurishe.
Etu branch manager 32 umar Mridul das ke tai laga ghor bhara thak ghor te Hojai’s Gobindpally Tuesday din te phasi lagaikena paishe.
Etu Bank official toh Shillong para ase.reporters khan ke kotha kura samay te Hojai police station laga officer in charge para koikena janaishe ki”etu bank staff toh ami logote ahise bank te manager toh naha nimete aro calls kura te jawab dianai aro tai laga ghor toh bondh thakishe.”
OC para aro bi koikena janaishe ki”etu hisaab te police laga ekta team khan aro kunba bank laga staff members khan etu bank manager laga ghor te jaishe aro tai ke kapra logote phasi lagaikena thakishe tai laga room laga ceiling te.’
Tai aro bi koikena janaise ki”prima facie investigation hisaab te etu toh suicide laga case ase aro khali bhal para chan bin kurikena ami khan khotom kuribo.”
Etia police khan para etu manu mura laga body toh custody te luijaishe.etu body toh Bhogeswari Phukanani Hospital Nagaon te post mortem nimete luijaikena ase.
Police koikena janaishe ki “aro bi chan bin toh chuli ase.”
