November 10,2020: Sudip Sarkar, BSF jawan laga body Dhaleswar area Agartala para tai laga nijor laga ghor te anibo Tuesday te.
Sarkar toh charta defence personnel te ekta thakishe kun khan infiltrators khan logote ladai kurikena murishe LoC Machil sector Kashmir Kupwara district te.
Dipankar Sarkar etu murijaa BSF jawan laga dangor dada koikena janaishe ki”Mui para Kashmir para juwa rati paishe aro koikena janaishe ki ami laga chotu bhai kun BSF’s 169 Bn laga riflemen thaka toh Kupwara district te infiltrators khan para murai dishe.etu toh ami karne dukh kotha ase.”
Tripura chief minister Biplab Kumar Deb para sudip mura nimete mondukh janaishe.tai para ekta facebook post te koikena janaishe ki”mui para desh laga bacha ke mondukh janaise .mui etu enika samay te etu mura manu khan laga ghor manu logote uthiase tai laga soul toh bhal para jabole janaishe.”
Sources koikena janaishe ki sarkar laga body toh BSF headquarters Delhi Monday te luijaishe kuntu te tai ke saaman dikena seven gun salute dishe .
Tuesday din te tai laga body toh tai laga bosti Dhaleshwar agartala laga jaka te luijaishe.
