GUWAHATI: Assam te schools aro colleges, class 10, class 12 aro final semester students nemite Septemeber 1 darik para soruh hoboli janaishe. Etu laga khobor toh Guwahati te Assam education minister Ranuj Pegu para junai thishe. Pegu para koishe ke, students khan nemite classes aro kuliboli laga final fesla toh Assam cabinet laga approval roki ase koishe. State education minister para koishe ke, special SOP toh schools aro colleges kuliboli nemite bonai ase koishe. Assam education minister Ranuj Pegu para aro koishe ke, itya dak te horu classes kuliboli nemite aro fesla eku loikena nai. Etu samai Assam government para fesla loishe ke, puila laga fesla lowa te sob government colleges te AHSEC students nemite undergraduate courses toh 75 per cent seats reserve thakiboli junaikena ase. Pegu para aro koishe ke, colleges sob te AHSEC students nemite 75 percent reservation seats toh urban jaga te toh nathakibo koishe.
Assam: September 1 darik para Schools aro colleges kuliboli koishe
