GUWAHATI: Assam te itya dak 2 crore Covid-19 vaccine thikena ase, etu khobor toh Saturday din health minister Keshab Mahanta para junaishe. Etu nemite kotha kora te, Assam health minister Mahanta para koishe ke, “Asaam te 2 crore vaccine doses deya kotom howa nemite besi kushi ase.” “etu kamyaab hoboli parai toh Hon’ble PM @narendramodi ji laga motob nemite ase aro etu oper te Hon’ble CM himantabiswa dangoriya & Hon’ble Union Health Minister @mansukhmandviya laga guidance para ase,” koikena Mahanta para aro koishe. Health minister Mahant para state laga health workers logot besi kushi powa janaishe, keli koile tai khan nemite etu vaccination drive toh kamyaab hoishe. “health workers khan narokina kam kora nemite aro etu Vaccination Drive kamyaab paishe, tai khan logot besi kushi janai ase,” koikena health minister Mahanta para janaishe. Saturday din te state health department laga khobor hesab te, sob melaikena state te vaccination drive samai 2,00,02,659 Covid-19 vaccine thiskena ase. Saturday evening (September 11, 2021) dak te Cowin app te data recorded kora hesab te, sob melaikena 1,63,31,987 manuh toh Covid19 vaccine first dose loikena ase aro 36,70,669 manuh second dose vaccine loikena ase koishe. Etu saal January moina Assam te vaccination drive soruh howa beche, Assam te July 27, 2021 darik dak te 1 crore doses deya pongchise. July 28 darik para loikena aji dak Assam te 2 crore vaccine doses deya pongchise aro etu 46 din pithor laga ase koishe.
Assam te 2 crore Covid19 vaccine doses thikena ase
