Guwahati: Assam government para state’s health department logot bacha khan nemite Covid care infrastructure bonaboli janaishe. Chief Minister Himanta Biswa Sarma para state para bemari nemite kam kori thaka toh saikena state-run hospitals te paediatric intensive care units (PICU) bonaboli janaishe. Assam government para Guwahati Medical College & Hospital te 30 PICUs bonabo koishe aro Assam Medical College Hospital aro Silchar Medical College Hospital te 20 PICUs bonabo aro etu oper te dosura medical colleges & hospitals logot 15 PICUs thibo koikena Mr Sarma para junaishe. State te district hospitals sob logot 5 PICUs thibo. Konuba normal ICUs te beds toh jodi lakile PICUs te convert koribo, koikena tai para aro koishe. Mr Sarma para koishe, etu machine aro saman jolabo nemite manuh khan training lakibo, etu nemite tai para Principal Secretary, Health logot medical colleges te ICU technicians laga vacancies toh fill up koriboli janaishe. Sob medical colleges te designing module training nemite nodal officer junibo koishe. Experts para warned korishe ke, duniyaa te virus next wave toh bacha khan logot lakiboli osor te ase. Centre para koishe, bacha khan be Covid-positive hoboli pareh, hoilebi hospitalization hoboli komti moka ase. Itya jai thaka bemari second wave toh jawan khan logot bemar toh besi serious para hoi ase aro besi manuh saas laga problem ase. First wave logot toh itya bacha khan ke be virus bemar besi ase. Experts para aro warned korishe ke, jodi manuh khan vaccine naloikena thakile third wave toh second wave logot be besi kara wala hobo. Hoilebi, itya states besi te vaccine komti howa nemite rokikena ase koishe. Itya dak India te 18 umer neji logot vaccine loboli aro junai deya nai. Prime Minister Narendra Modi para jowa hafta district officials logot bacha aro jawan manuh kaun khan COVID-19 bemar hoikena ase etu laga data collect koriboli junaikena ase.
Assam te bacha nemite ICUs bonaboli fesla
