GUWAHATI: Assam Congress pithor te aro dosura khobor ekta te, Party laga MLA ek jun BJP te samil hoboli neshina ase koishe. Khobor para janaishe ke, 1st samai laga Congress MLA Bhaskar Baruah toh purana party para resign hoikena BJP te samil hoboli koishe. Baruah toh Congress para kamyaab hoishe aro tai toh upper Assam Titabar manuh ase, tai toh etu kam nemite Assam chief minister Himanta Biswa Sarma logot meeting korikena ase koishe. Khobor para aro koishe ke, chief minister Sarma para Titabar laga MLA, 60 umer logot BJP te joldi samil hoboli koishe. Olop din akhe Assembly elections samai, Congress party para Baruah ke former Assam chief minister Tarun Gogoi mori-jowa nemite Titabar seat nemite fielded korishe aro tai etu samai kamyaab hoishe. Titabar toh Congress laga jaga ase koikena jani ase aro former Assam CM Tarun Gogoi toh 2001 saal paratai namora dak Titabar LAC te represented kori ahishe. Khobor hesab te MLA Baruah toh businessman aro tea grower ase, Monday din Jorhat te BJP meeting ekta te samil horishe, etu meeting toh saffron part’s Jan Ashirbad Yatra para organized kora ase koikena khobor para janaishe. Etu meeting te former chief minister Sarbananda Sonowal aro dosura senior BJP leaders khan meeting te samil hoishe.
Assam te Congress MLA para BJP samil hoboli ase
