GUWAHATI: Thursday din te Election Commission (EC) para junai thishe ke, 7 Rajya Sabha seats nemite bypolls loboli darik junaishe aro etu oper te Assam para be ekta seats ase, etu kali seats toh alag-alag reason nemite kali hoikena ase. Election Commission (EC) laga notification hesab te, Tamil Nadu te tui(2) seats ase aro West Bengal, Assam, Maharashtra, Puducherry aro Madhya Pradesh te ekta-ekta kali seats ase. Etu 7 seats nemite polls toh October 4 darik te election thakibo, koikena Election Commission (EC) para khobor toh junai thishe. Assam te, Rajya Sabha seats toh Biswajit Daimary laga kali ase, tai toh Parliament upper house te membership para resigned korikena jai jowa nemite kali ase. Tai para Bodoland People’s Front jarikena BJP te samil korishe. BJP para Union minister and former CM Sarbananda Sonowal ke Assam seat nemite filed koribo aro tai toh Parliament te member hoboli ase koishe. Election Commission (EC) para order te koishe ke, “COVID-19 hoshari neum” toh election samai jolabo aro etu toh notification junai deya din para loikena votes count kora dak thakibo. “states te chief secretaries logot state te senior officer rakina COVID-19 containment measures neum toh janai thiboli koishe aro etu neshina kam toh election samai te be jolaboli lage,” koikena poll panel para janaishe.
Assam te October 4 darik din Rajya Sabha bypolls
