Guwahati, March 11 : Assam laga Christian community khan para state government ke Hindutva group khan para Christian aro Christian school khan ke target kora laga mamla barithaka ke address kuribole appeal kurisey.
Monday(March 11) te, Golaghat laga United Christian Forum (UCF) para Assam governor Gulab Chand Kataria ke lok kurikina taikhan laga dukh tu janaikina ekta memorandum submit kurisey.
UCF Golaghat president Jidan Aind aro secretary Leander Toppo para lead kora etu organization para Assam te Christian community khan mushkil jhela tu barithaka ke address kuribole nimitey sarkar ke urgent para etu mamla te kadam uthabole jarurat thakiya tu janaisey.
Etu memorandum te bisi monduk kuridiya lag aghotna khan janaisey, jaiseki kunba group khan para Scheduled Tribes list para tribal Christian ke hataidibole demand kora, Christian school khan ke dhormic symbol laga mamla te dhomki diya aro ekjun nun ke tailaga dhormic biswas nimitey ekta bus para olaidiya laga mamla khan.
Etu opor te, Assam Healing (Prevention of Evil) Practices Bill 2024laga bi chinta uthaisey. Christian khan para bhoi kuri asey ki etu Bill ke taikhan laga dhormic kaam khan ke target kuribole nimitey galat tarika para cholabo parey.
Etu mamla khan laga opor te chinta jataikina, UCF Golaghat para Assam government ke anti-christian activity ke hataidibole nimitey kadam uthabole, civil aro police authority khan para joldi jawab pabole aro misinterpretation ke rokhabole nimitey legislative(kanooni) bill khan te monjur nathaka kotha khan chola tu reconsider kuribole request kurisey.
Desh ke agey barabole nimitey Christian community khan para dangor contribution kora te gor kurikina, khas kurikina pora likha, ilaj aro samaj seva te, etu memorandum(kagos) para Indian constitution(India laga likhikina thaka nyom aro kanoon) te dhorom laga azadi dikina thaka tu yaad dilaisey.
UCF Golaghat para Assam te sob dhormic group majotey shnati, khusi aro milijulikina thakibole laga jarurat thaka tu samjhaisey.
Etu memorandum te Assam government ke Christian community laga haak ke bachabole bi appeal kurisey aro rajya te nyom palan kurikina thakibole aro shanti banaikina rakhibole te pura puri cooperate kuribole kosom khaisey.
