DIBRUGARH: Assam Tea Tribes Student’s Association (ATTSA) para Assam chief minister Himanta Biswa Sarma logot memorandum submitted korikena Scheduled Tribe (ST) status toh State te tea tribe community logot thiboli demand korishe. ATTSA leaders para memorandum toh Dibrugarh Deputy Comissioner Pallav Gopal Jha logot submitted korishe. “ami khan para ST status toh Tea tribes’ community logot thiboli besi saal para demand kori ase. BJP government para ST issue toh political mileage bapoli nemite jolai ase. Election samai ST issue toh voters khan logot kotha kori thaki,” koikena Dibrugarh te Assam Tea Tribes Student’s Association (ATTSA) secretary, Lakhindra Kurmi para janaishe. Assam te tea tribe community khan toh population majot te 20 per cent (70 lakh) neshina ase. Tea community khan para hotai samai besi tangor role loikena Lok Sabha aro Assembly elections samai te be kamyaab ani-dey koishe. Etu samai, students’ body para besi clear para koikena ase ke, jodi tai khan laga demand toh thik samai te kamyaab nahoile tai khan para movement thakiboli koishe. “government para ami khan logot besi din para mesa kotha koi ahikena ase, ami khan laga community logot ST status nathikena ase. Government para ami khan laga community ke step motherly neum jolai ase,” koikena Dibrugarh te Assam Tea Tribes Student’s Association (ATTSA) president, Bimal Bag para khobor toh janaishe.
