India, 11 March : India laga premier pacer Mohammed Shami, kun ekta ankle surgery para recuperate kuri asey, Bangladesh laga khilaf home Test series dey itu saal tai laga comeback kuriboley expect kuri asey, BCCI secretary Jay Shah para PTI ke kuishey. Shami para five-match Test series miss kurishey England laga khilaf aro IPL dey bhi miss kuribo, jaa mahina Achilles tendon karney surgery lua piche dey.
Shami last India karney ODI World Cup dey khilisheh kutey tai taikhan laga standout performer thakishey. India para tuita test aro three T20 Internationals karney September dey Bangladesh ke host kuribo.
Rahul jaa par England series laga four Tests miss kurishey, tai laga right quadriceps dey pain thakia complain kurina. Tai IPL dey Lucknow Super Giants karney ahiwoley expect kuri asey, London dey treatment luina.
BCCI secretary para Rishabh Pant dey bhi update dishey, kun IPL deh tai laga rukhi thakia comeback kuriboley asey. Pant toh December 2022 dey ekta horrific gaari accident hua piche dey nakhilia hui jaishey.
Tai laga IPL franchise Delhi Capitals’ head coach Ricky Ponting para kui dishey ki tai toh itu league dey participate kuribo.
IPL dey foreign investment laga potential dey hudia dey, Shah kuishey ki itu toh possible nahoi, consider kurina ki BCCI toh ekta society asey aro ekta company nahoi.
Jaa saal report kurisheh ki Saudi Arabia para IPL deh multi billion dollar investment kuriboley sai thakishey.
India dey, ekta registered society para foreign investment ke central government aro Reserve Bank of India laga approval nathakina accept kuribo naparibo.
