July 21, 2024: Board of Control for Cricket in India (BCCI) secretary Jay Shah para Cricket administrative body kan Indian Olympic Association keh Rs 8.5 crore dibo kui shae, 2024 Paris Olympics deh Indian athletes keh support kuri bo karne. “@BCCI para mukan laka incredible athletes keh support kuri bo kui nah mui announce kuri bole proud ase. Mukan campaign karne IOA keh INR 8.5 crore dib oleh ase,” Jay Shah para X deh post kuri shae. Tai para Indian contingent keh best wishes b extend kuri shae aro India keh proud kuri bole encourage kuri shae. Paris Games kan July 26 deh shuru bole set hui nah taka time deh, Shah laka announcement tho ahi ase. 117 nishi nah athletes kan India keh represent kuri bole ase, Paris Olympics deh. Tatej 140 strong support staffs kan b taki bole ase. Etu milai nah 257-member contingent taki bole ase. Ministry of Defense para aha ekta press release para 117 athletes deh 24 jun tho Armed forces personnel ase kui shae, kun kan Paris Olympics deh India keh proud kuri bole ase.
BCCI secretary para Paris Olympics karne Rs8.5 crore announce kuri shae
