Rio de Janeiro, Brazil: September 4, 2020. Thursday din te Brazil laga Covid-19 cases toh 4 million hoishe, koikena health ministry laga officials khan para janai thishe aro bemari toh Duniyaa laga second beya chaka te bemar toh komti hoiase koishe. February 26 darik te first bemari case toh paishe. South America te bemari cases toh 4.04 million hoikena ase aro 124,600 neshina manuh morikena ase, United States laga beche te ase. 24 gonda pithor te notun cases toh 44,000 neshina paishe aro 834 manuh morishe koishe. Health ministry para koishe ke, bemari cases olop komti hoiase aro bemari para olop moina agae te hotai din 1,000 neshina manuh khan mori thaka be komti koishe. August moina kotom howah samay, Brazil te Covid-19 para manuh mora averaged toh 870 thakishe aro hotai din notun nemar toh 40,000 oper pai thakishe koishe.
Brazil te, manuh mora rate toh 589 per million manuh ase hoilebi, number toh besi alag- alag ase north te (746) ase aro south te majot te (309) ase. Sao Paulo University laga professor of epidemiology, Paulo Lotufo para koishe ke, Brazil te number hesab para bemari cases toh besi bhal te botli hoiase. “tui moina agae te, ami khan para chaka te mixes thishe, konuba chaka te uthi thakishe aro konuba te lami thakishe” koikena Lotufo para south aro center-west chaka saikena koishe. Etu oper te Sao Paulo aro Rio de Janeiro aro north chaka te cases toh komti hoiase koishe. Brazil khan economy besi neji te kerikena ase aro tai khan chaka te 9 million manuh khan kam nokson hoikena ase koishe.
Add Comment