Bangladesh te AC botikena 12 jun morishe

Dhaka: September 5, 2020. Bangladesh capital Dhaka te, mosque pithor te choita(6) air conditioners botikena komti hoilebi 12 parthana kora manuh morishe etu pithor te chotu bacha be thakishe koishe. Etu blast toh Friday rati 9 pm samay mosque te Narayanganj river port town te hoishe. Saturday din te 11 manuh toh elaj kora samay morishe aro chotu bacha ek jun toh jokom nemite Friday din te morishe, koikena Dhaka Medical College Hospital burn unit — National Institute of Burn and Plastic Surgery laga chief, Dr Samantha Lal Sen para janai thishe. Tai aro koishe ke, 25 manuh toh aro unite te elaj koriase, hoilebi, tai khan laga halat toh “besi diktar” te ase, keli koile tai khan laga body toh 90 per cent cholikena ase koishe. Fire officials khan para suspect kora toh, gas toh pipe line para leaked hoikena jui para AC toh bota ase koishe. “mosque pithor te Titas Gas piplene jaikena ase. Ami khan laga suspect te gas toh pipeline para leaked hoikena etu samay windows be bondh thakishe. Konuba manuh para ACs toh kulibo kora samay botishe ola koikena Narayanganj Fire Service laga Deputy Assistant Director Abdullah Al Arefin para Dhaka Tribune te janai thishe. Witnesses para koishe ke, choi(6) jun neshina mosque para ola thishe aro etu samay blast toh be hoishe. Parthana kora manuh besi cholikena floor te thakishe koikena khobor para koishe. Police aro fire services department para alag-alag investigations koriase koishe.