WHO: Covid Vaccine toh aha saal dak be nahobo

Geneva: September 5, 2020. World Health Organization para koishe ke, COVID-19 ke larai koriboli vaccine toh aha saal atha samay dak te be napabo neshina ase koikena Friday din spokeswomen para koishe. Aro tangor kotha ekta toh vaccine toh safety aro effective hobo naa nai besi bhal para janiboli lage. Etai dak, te vaccines candidate khan para clinical trials kora te kuan para be “clear signal” thikaikena nai, hoilebi, 50 per cent dak bhal thikaina ase, koikena WHO laga spokeswoman, Margaret Harris para janai thishe. Russia para COVID-19 vaccine toh August moina te regulatory approval thishe, tai khan para tui moina neshina manuh logot testing korishe. Konuba western experts khan para vaccine toh safety aro efficacy laga sawal be korishe. Thursday din te US public health officials aro Pfizer In para koishe ke, October moina para toh vaccine toh olaikena deya soruh kuribo. Aro etu toh November 3 darik US election osor te hobo aro etu samay, voters khan nemite bemari toh besi tangor kotha hobo, judi President Donald Trump toh tuita(2) term jetibo na nai. “ami khan laga bhapana te Duniyaa pur te vaccination olaboli toh aha saal ath dak te be nahobo”, koikena Geneva te Un briefing samay Harris para janai thishe. “etu phase 3 toh deri lakibo, keli koile vaccine para hosa motob kori na nai aro ami khan para janiboli toh vaccine toh be keman safe ase” tai para aro koishe. Etu kotha toh, vaccine research samay, cilinical trails toh tangor chaka te manuh logot kora laga phase kotha kowah ase. Harris para vaccine candidate laga kotha eku kora nai. Trials kora sob laga data toh saikena shared koriboli lage. Harris koishe ke, “manuh khan besi logot vaccine toh thishe aro ami para nejana toh vaccine toh kam kori na nai…atai samay, ami khan laga hath te clear signal nai koishe. WHO aro GAVI vaccine melikena Duniyaa sob te vaccine ekta COVAX koikena thiboli bhapan kori ase aro etu para kena aro thiya te motob koriboli koishe. Duniyaa te desh sob te first vaccine thiboli sai thaka toh besi-risk thaka manuh neshian healthcare workers khan hobo koishe. COVAX laga bhapana te vaccine bonaikena ola beche, 2 billion tawai thibo koishe aro etu 2021 saal kotom howah samay dak te hobo. Hoilebi, konuba desh khan para toh tai khan nejor melikena loboli koishe, etu pothor te United States para toh shamil nakoriboli koishe. “hosa te toh doorja toh kula ase. Ami khan kula ase. COVAX bonai thaka toh sob manuh nemite ase aro Duniyaa te thaka manuh sob vaccine toh babo”, koikena Harris para junai thishe.