September 5, 2020. United States para India aro China majot te mountain border laga western Himalayas te jamila thaka te kotha kora samay motob thiboli ready ase koikena, Friday din President Donald Trump para koishe. “etai situation toh besi beya te ase, etu nemite ami khan China aro India ke respect para motob kuribo. Ami khan para parai dak te motob kuribo, aro tuita desh laga kotha koiase, koikena Trump para koishe. China logot situation toh be bhapana koriboli lage aro India para parai dak Military aro diplomatic level te kam koriase, koikena Army Chief General MM Naravane para Friday din te interview samay ANI logot koishe. Komti hoilebi, tuita rounds toh Brigade-Commander level te kotha koikena ase. April aro May moina para India aro China pithor te larai koriase, Chinese Army khan para chaka besi loboli koriase, aro etu pithor te Finger area, Galwan valley Hot springs, and Kongrung Nala ase koishe.
June moina te, Chinese Army khan para Indian Army khan ke Galwan valley te 20 jun morai beche situation toh besi beya hoikena ase. Galwan Valley te larai kora beche, India Army khan besi ahikena ase. Tuita desh majot te, jaa tin moina para kotha koikena ahiase etu oper te Lieutenant General-level te be kotha korishe, hoilebi, etai dak bhal khobor eku fesla howah nai koishe. Trump para aro koishe ke, “etai samay, China khan para etai dal te kam besi beya koriase. Aro sapi, China laga virus nemite Duniyaa laga 188 desh logot ke kori dey kena ase”. Trump para aro koishe ke, “Duniyaa sob melaiki, China jarikena, tai toh bemari nemite ke hoiase nejani aro respect nai”. Ami etu bhal nalaki. Tai khan para Duniyaa logot ke kori thishe, etu desh aro Europe aro desh pura beya hoikena ase”, Trump para koishe.
Add Comment