Moscow: September 5, 2020. Russian scientists khan para Sputnik V vaccine trails lowah laga first result published kori thishe. Jaa moina te government manishe hoilebi experts khan para mana nai, keli koile, tawai toh manuh sob logot naloikena komti manuh logot ke test korishe koishe. Friday din journal Lancet te khobor olaishe ke, vaccine bona manuh khan para safe aro koishe aro second phase samay 40 manuh ke test kora samay antibody bhal khobor thishe. Hoilebi, authors khan para koishe ke, participants khan para 42 din loishe, etu laga study sample toh horo thakishe aro etu samay placebo nahoile control vaccine use kora nai koishe. Ekta safety trail te mota manuh 20 aro 30 umer khan ke korishe, etu nemite dosura umer tangor khan logot vaccine toh kam kuribo naa nai nejani koishe. International experts khan para vaccine toh bhal aro safe hobona nai bhapana kori ase. Hoilebi, Russian tawai bona manuh khan para mon tangor hoikena Friday din te tai khan laga result toh janai thishe. Moscow-based Gamaleya Institute laga director, Professor Alexander Gintsburg para Russia’s Defense Ministry laga motob loikena vaccine toh bonaishe aro vaccine toh bhal ase aro immune para jawab deya toh COVID-19 bemari manuh ke kam kuribo koikena reporters khan ke koishe. Lancet para khobor deya hesab te, trails toh tuita Russian hospital te loishe aro etu samay healty manuh 18 para 60 umer khan logot loishe aro tai khan ke registered kora beche alag chaka te rakishe. Etu manuh khan vaccine lowah beche hospital te 28 din bohibo koishe. Jaa moina te World Health Organization para koishe ke, Russia logot kotha kurikena vaccine candidate nemite khobor loishe. Hoilebi Friday din te, WHO laga spokeswoman Dr. Margaret Harris para koishe ke, tai logot Russia nemite khobor alak eku nai..aro kuan para ke kotha(data) kuan ke kosihe” Tai koishe ke, agency khan para sob desh logot melaikena khobor sob loboli koishe”.
Add Comment