Agencies, 05 September: Saturday te Central government para Chinese sepai khan bilateral agreement te violate korikena status quo putli koribole kosish korise koise. etu agae te China para India toh Ladakh te border stand-off nemide pura zamidari ase koise.
India para tuita side toh India-China relation laga pura-puri situation nemide sabo lakibo koise aro para tak de-escalate koribole aro border areas te shanty aro phal thakibo nemide melikena kaam koribo lakibo koise.
September 4 direk Moscow te Defence Minister Rajnath Singh toh Chinese Defence Minister General Wei Fenghe logode Shanghai Cooperation Organisation (SCO) meeting te lok kora thakise.
Tuita ministers para India-China border areas aro India-China relations opor te kotha kora thakise.
Singh para Line of Actual Control (LAC) te chamela opor te India laga position te phal para kotha kora thakise.
Tai Chinese sepai laga action, status quo putli koribole kosish kora toh bilateral agreements te violate kori kena aro tuita sides laga Special Representatives majode understanding kora te narakhikena ase koise.
Singh para sabha sabi koise, Indian sepai para boarder managements te hotai responsible approach lowa te, tai khan laga determination India laga sovereignty aro territorial integrity bachabole laga te doubt nakoribole
Meeting time te Chinese Defence Minister para tuita side toh Prime Minister Narendra Modi aro President Xi Jinping majode consensus reached nemide hosiyar para bonabole aro dialogue aro consultation para issues thek kori thakibole, alak alak bilateral agreements manibole. Frontline troops laga regulation gara koribole aro situation beya hobole eku challenging actions nalobole koise.
Meeting samai te Gen Fenghe para tuita ministers be melikena tuita sides toh sob levels te hotai communication maintain koribo lakae koise.
Singh para tuita side para guidance toh leaders laga agreement lobo lakae koise kelay koile India-China border areas te shanty aro phal nemide. Aro tuita side para be dekthari hoijabole lagate namanibole nemide koise. Etu bechide tuita side para dekthari thaka thek koribole nemide koise.
Chinese Defence Minister para be Chinese side toh shanty para issue thek koribole mon ase koise.
Singh para etu toh kaam laga ase koikena samjanishe. Etu nemide Chinese toh Indian side logode melikena disengagement toh bilateral agreements aro protocols hisaab te joldi kothom koribole koise.
Singh para be aji kali laga situation toh ektum hosiyar aro zamidari para sabole lakiya koise aro situation toh aro besi beya nahobo nemide eku action nalobole lakiya koise.
Singh para be LAC te joldi shanty anibo nemide aro pura disengagement aro de-escalation ensure nemide kotha kori thakibo laki koise.
Chinese government para statement te koise, tuita desh aro tui ta militaries majode border issue karni besi affect hoise. Chinese government para China laga territory toh harabole naparibo aro Chinese military toh desh laga sovereignty aro territorial integrity bachabo nemide pura determined, capable aro confident ase koise.
Add Comment