The Beach Boys laga Brian Wilson, Ringo Starr aro Nancy Sinatra khan be legendary drummer Hal Blaine ke dukh laga kodha jonai dise.
Hal Blaine 90 umar te mura burana tangor drummer ke bishi manu pora dukh laga kodha jonaishe.
Blaine toh Frank Sinatra, Elvis Presley aro John Lennon khan nishina artist logot te be bachai dhkiya famous session musician dhakise.
Elite LA studio band The Wrecking Crew laga member hoikena,tai pora Presley laga Return To Sender, The Beach Boys laga Good Vibrations, The Ronettes laga Be My Baby aro Simon & Garfunkel laga Mrs Robinson, aro Batman laga theme ganna aro bishi alag TV shows te be bachai dhakise.
Rock & Roll Hall of Fame laga hesab te, tai pora US te number one hit 40 ganna aro 150 top 10 laga ganna kurise.
California, Palm Desert te tai laga khor te somoy boncha pora murise koikena tai laga khor manu khan pora koise.
The Beach Boys laga Brian Wilson pora tweet te ektam mondukh kodha bodhai etu te tai enika likise ki “Hal Blaine toh moi pora kodha te kobole napariya laga ektam tangor aro phal musician aro friend sadi dhakise.
“Hal pora bishi hikai dise,moi khan laga kamiyab toh tai karne howa ase – tai toh sobse phal aro tangor drummer dhakise.”
Beatles drummer Ringo Starr pora tweet kurise: “Prabhu pora Hal Blaine ke ashirwat kuribe.Tai laga khor manu khan ke shanti aro morom jonai di ase. Goodbye Hal. Ektam kobole nabariya laga musician.”Jowa sal Grammy lifetime achievement award chidiya, Blaine toh kidya be nam bishi dhakiya nai.
Hoile be tai laga skill pora ’60s aro ’70s laga ekso upor hit kura music bonaise,aro tai pora 1965-1970 te chui bar ek sal te kamiyab howa record karne Grammy award chidiya laga tracks tai pora bachaise.
Grammys organize kura Recording Academy laga president Neil Portnow pora koise: “Hal Blaine toh ’60s aro ’70s sal major te Billboard charts te Wrecking Crew laga member hoi kena bishi top hit kuridiya laga legendary session drummer ase.
” Beach Boys laga Caroline, No aro Simon & Garfunkel laga Bridge Over Troubled Water khan milai kena tai laga jivam kam te hazar upor ganna bonaishe.
“Moi khan pora tai laga khor manu khan aro sadi khan aro tai logot dhakiya music creators khan ke ektam mondukh kodha jonai di ase.”
Jewish immigrants laga bacha, Blaine toh Holyoke, Massachusetts te Harold Simon Belsky jonom paise.
Tai ate sal pora hi drum khili kena suru hoise, tai laga room te dhakiya seat pora ulai diya tweita lowha loi kena suru hoise. Aro 20 umar te tai pora professional kuridise.
The Wrecking Crew laga member hoi kena, keyboard bacha manu Leon Russell, bassist Carol Kaye aro guitarist Tommy Tedesco khan be sat kuri kena, Blaine pora bishi joldi tangor aro popular music kurishe.
Presley, Sinatra aro John Lennon khan loogt te bachiya drummer toh tai ekla hobo.
“Godspeed Burana sadi,” Sinatra laga maiki bacha Nancy Sinatra pora mondukh kodha jonai kena Instagram te koise.
Add Comment