July 23, 2021. Charaideo district Assam te police aro Assam Rifles melikena operation kora samai, tinta(3) NSCN-IM cadres ke thurishe koishe. Etu tin(3) jun NSCN-IM cadres toh Balijan Tea Estate, Assam’s Charaideo district te Thursday din te thurishe. Etu militants laga nam toh Tinglu Konyak (25), Nokyeng Konyak (25) aro Yangnu Konyak (24) thakishe aro tai khan toh Lakhun Basti Mon district, Nagaland para ase koishe. Tai khan laga hath te tinta(3) pistols aro goole paishe koishe. Etu manuh khan toh inter-state arms smuggling te samil ase koishe. “ami khan para 25 (1A) and section 35 Arms Act pithor te Sonari Police Station te case toh registered korishe. Ami khan para suspect kora hesab te tai khan para inter-state arms smuggling kora te samil thkishe,” koikena Charaideo SP Sudhakar Singh para etu khobor toh janaishe.
