IMPHAL: National Investigation Agency (NIA) para tui(2) jun UNLF (United National Liberation Front) rebels logot Manipur te security forces ke hamla kora nemite charge-sheet filed korishe koishe. Etu charge-sheet toh Manipur, Imphal NIA Court te Thursday din te filed korishe. Charge-sheeted kora UNLF militants toh Lisham Ibosana Meitei aro Konsam Manithoi Singh ase koishe. Etu tui(2) jun rebels toh Indian Penal Code (IPC), Unlawful Activities (Prevention) Act aro Explosive Substance Act pithor te charged korishe koishe. Tui(2) jun UNLF rebels ke tai khan para Manipur Raj Bhawan, Imphal te etu saal January moina te security forces camp te grenade thali deya nemite charge-sheeted korishe. NIA laga khbor hesab te etu thurikena thaka manuh khan para general population te terrorist kam koriboli kora te aro India kelaaf te larai olaboli kam kora nemite thurikena ase koishe.
NIA para 2 UNLF rebels ke charge-sheet file korishe
