Seppa, November 15, 2024: Thursday din te, Ekta manu Nikam Sangbia para Dao loikina Seppa Distrcit Hospital te jai kina, Charta manu ke muraishe aru alak choita nishina khan jokhum hoishe koishe.
Superintendent of Police Sikom para koishe ki, etu jamala toh, Hospital te maikikhan laga ward te hoishe koishe 11:30 AM phane. Etu murea manu toh Tade Sangbia ase koishe, tai toh Nikam Sangbia laga maiki ase koishe, muta para tai nijor laga maiki ke murai dishe, dui saal bacha Mekhya Sangbia, taijun laga bacha, aru Fei Beyong, Chowkidar, aru Paka Welly Tallang, the attendant.
Etu jokhum hoa laga majo te, OC PS Seppa Inspector Minli Geyi. Officer Geyi bi tailaga left haat te jokhum khaishe koishe.
SP para koishe ki, etu Nikam ke arrest kuri kina police station te dali dishe koishe. Aru etea investigation bi jai ase koishe.
Khobor laga hisab te, etu manu para achanak doa loi kina, tailaga maiki hospital te thakhea homoi te murai dishe koishe, aru tai laga bacha kebi, hospital laga bisna para. Enika homoi te, tai toh aru alak manu kun tai laga agea te ase, eku khan ke bi mura suru hoishe koishe.
Add Comment