Chhattisgarh te 4 notun Districts bonaboli koishe

Raipur: Sunday din Chhattisgarh Chief Minister Bhupesh Baghel para desh laga manuh khan logot 75th Independence Day din nemite saalam janaishe aro State te 4 notun district bonaboli janaikena etu notun districts te maiki manuh nemite thakibo koishe. Chief Minister para koishe, state te Naxal ke control kori thaka toh kamyaab hoikena jai ase. Etu 4 notun districts melaikena itya state te administrative districts toh 32 hoboli ase. Mr Baghel para aro koishe ke, sob district headquarters aro municipal corporation te maiki manuh nemite park bonabo aro etu laga nam toh ”Minimata Udyan” thakibo. Dosura fesla ekta lowa te, CM para janaishe ke, colleges te undergraduate aro postgraduate courses nemite admissions lowa samai age limit toh hatai thibo. Tai aro koishe ke, ownership transfer (of land) toh public nemite revenue kam toh besi asani koribo aro etu oper te Naxalism toh itya state te kamyaab hoikena jai ase koishe. Baghel para koishe, Chhattisgarh te besi saal para kam pending thaka toh tai laga government 2018 te aha beche kam toh kamyaab hoikena jai thaka nemite kushi ase. Itya 63 police station buildings toh Naxal-affected districts te bonai ase aro tai para koishe ke, police force nemite modernization plan toh itya approved hoishe. Dial 112″ emergency helpline service kamyaab hoikena jai thaka nemite itya state sob te thakiboli ase, koikena Chief Minister para aro janaishe. Itya dak te emergency helpline service toh State laga konuba district ase aro Raipur te ase koikena janaishe.