Guwahati, August 10 : Assam laga Guwahati seher laga Hatigaon area te boha ekjun Class 10 student ke kidnap kora aro murder kora laga iljam te police para ekjun manu ke dhurisey.
Reports hisap te etu mujrim ke police para investigation kora pichetey Hatigaon area para arrest kurisey.
Etu mujrim laga naam tu Abhishek Baruah asey. Tai para etu student ke kidnap kurikina tailaga parivar ke bodli te Rs 7 lakh demand kurisey.
Hoilebi next din te Guwahati seher laga bahar te thaka Bonda area laga jungle te etu student laga dead body paisey.
Abhishek Baruah para etu student ke chaku para marikina moraidisey koikina suspect kuri asey. Hoilebi, police para etu murder laga pura jankari tu dibole baki asey.
Etu hatsa te murija student aro mujrim duijun laga ghor bi ekey area te thakisey. Aro etu mujrim tu Hatigaon area te ekta chutu dukan cholai thakisey.
Police para etya etu case te aro alag manu shamil asey na nai etu janibole nimitey investigation kuri asey .
Add Comment