Aizawl, 15 April : Mizoram Chief Minister Pu Lalduhoma, juntu IAA (International Association of Art) Mizoram laga Chief Patron bhi ase, aji I&PR Mini Theater te National Art Exhibition aru Seminar inaugurate korise.
Etu event Government of Mizoram aru IAA India milikoi organize korise, UNESCO World Art Day celebrate koriboleh karone.
Inauguration ceremony te Chief Guest hisebe thakise Vanlalthlana, Minister of Information & Public Relations (I&PR).
Chief Minister laga speech te tai koise ki art aru culture laga connection to timeless ase. Tai ulai koise, “Mizo community pora pora pora likhibo aru porhibo na jani thaka time te bhi, tar identity painting laga dora te dakhaise.” Tai koise, “Art ekta universal language ase, juntu border, religion, aru nationality cross kori jai. Etu chup thakile bhi monor upor strong impact dibo pare, aru etu message ulaise juntu translate koribo lagibo nai.”
Pu Lalduhoma Mizoram laga rich artistic aru cultural heritage ke praise korise, aru koise etu state laga ekta dangor attraction ase. Tai artist khan ke encourage korise jate etu land aru tar tradition ke visual arts, film, photography, music, aru dance dora te continue kori showcase korok. Tai traditional musical instruments—jimon Phenglawng, Tumphit, aru Rawchhem—ke revive koribo laga importance bhi highlight korise.
Art & Culture Minister Pu C. Lalsawivunga, UNESCO aru IAA India ke support karone dhanyobaad dishe, aru koise ki Mizoram laga rich artistic roots karone, etu state laga cultural value aage bhi grow koribo.
Minister Vanlalthlana tai laga personal experience share korise—tai surute painting bechise aru newspaper te cartoon publish korise buli. Tai koise ki art dora te ajiu ancestors laga voice aru tradition alive ase.
IAA India President Pu Manaj Saha Mizoram Government ke World Art Day te enthusiastic participation karone thanks dishe. Goodwill Ambassador Mr. Biblad Roy keynote address dishe, aru National Convener Pi Lubna Hassan video message dora tar message share korise.
Event tu chair korise Pi Zodingpuii, IAS, Secretary of Art & Culture aru Working Secretary of IAA Mizoram. Desh laga anek dignitary, government official aru art leaders khan etu event te present thakise.
Ceremony khotom howar piche, Chief Minister National Art Exhibition tu I&PR Auditorium te visit korise, aru nija art gallery juntu same complex te set-up kora hoise, tai bhi tour korise.
UNESCO World Art Day, April 15 te celebrate kora hoi, juntu Leonardo da Vinci laga birthday honor koriboleh karone ase. Etu officially 2019 te recognize kora hoise.
Add Comment