Ipoh, 25 April : Malaysia Hockey Federation etiya Pakistan ke Azlan Shah Cup 2025 karone invite nohoi korise, karon Pakistan Hockey Federation (PHF) Johar Hockey Association ke USD 10,349 laga dues ekhono dibole baaki ase.
PHF laga ekjon source janai dise ki Johar Association ekta strict official letter pathaise PHF ke, juntu te tai khan October 2023 te Malaysia ja thaka somoy PHF officials aru tai laga family khan karone thaka, travel aru onno expenses laga payment mangi ase.
Pakistan team Johar Hockey Cup khelibo karone Malaysia jai thakise, aru PHF laga officials aru tai laga family bhi team logot jai thakise.
Johar Association etu issue Malaysia Hockey Federation logot already uthai dise, aru warning dise ki jodi etu dues clear nohoi, taile FIH (International Hockey Federation) logot complaint koribo.
Sultan Azlan Shah Cup 2025, November 22 pora 29 tak Ipoh, Malaysia te hobo.
