China, 26 April : China laga teenage center Yang Hansen Saturday din announce korise ki tai NBA Draft 2025 te enter koribo.
Chinese Basketball Association (CBA) playoffs te, Yang laga performance dikhai dise, juntu Qingdao Eagles team quarterfinals tak loi jabo parise, hoilebi top-seeded Zhejiang Lions logot 3-2 best-of-five series te narrowly haraise.
January mahina te, Yang laga domestic agency announce korise ki tai Klutch Sports Group logot sign korise, juntu ekta famous agency ase Rich Paul laga, juntu NBA stars jiman LeBron James, Anthony Davis aru De’Aaron Fox logot kaam kore.
2024-2025 CBA regular season te, Yang average 16.6 points, 10.5 rebounds, 3 assists aru 1 steal per game kori ase, aru 2.6 blocks average logot league te first rank te ase. Tai CBA All-Star starting lineup te select hua ase aru All-CBA Chinese Player First Team te bhi thakise.
February 2024 te FIBA Asia Cup Qualifiers te, Yang senior national team debut te dangor impact banai dise — 19 minutes te 13 points score korise aru 4 assists dise, juntu China laga Mongolia upor decisive 80-49 victory te contribute korise.
Add Comment