CM N Biren Singh para public ke maaf koishe aro 16 cops suspended

IMPHAL: Friday din te Manipur Chief Minister N. Biren Singh para koishe, police laga kam oper te tribal leader ke thurikena loijaina morai deya nemite publicly maaf mangkishe. Etu kotha toh tribal leader Athuan Abonmai ke morai deya te jaga sob para condemnation spread kori thaka nemite janaishe. Manipur Chief Minister N. Biren Singh para janaishe ke, 16 policemen aro konuba Manipur Rifles troopers khan ke suspended korishe. Wednesday din Tamenglong district headquarters te konuba manuh khan para Abonmai ke othaikena jaishe aro etu beche moraishe. Tai laga body toh Thursday saam te paishe. Singh para koishe, “khobor powa hesab te Abonmai te thurikena jeep ekta te loi jowa samai policemen khan toh kara korikena sai thakishe, ami bapana te etu police laga moral toh besi beya hoishe.” “police para kam korikena Abonmai ke pachaboli thakishe. Ami khan itya dak 16 police personnel oper te konuba officers ke etu nemite suspended korikena ase,” CM para koishe. Tai aro koishe ke etu hatsa nemite Manipur DGP L.M Khaute para high-level probe panel bonaishe. Singh koishe, government para National Investigation Agency (NIA) laga motob loikena investigation jabo aro etu samai terrorists aro konuba policemen majot te samil thakile sabo. Abonmai toh Zeliangrong Baudi laga former president thakishe, tai toh Tamenglong district te ribal-based local council ase aro Naga People’s Front (NPF) laga leader ase. Tai ke Wednesday din te thurishe aro etu samai Chief Minister logot tai laga ministerial colleagues melaikena hill district bordering Assam aro Nagaland te konuba projects inaugurate jaga te jaikena thaka samai howa ase koishe. Police officials laga khobor hesab te tribal leader toh Chief Minister’s programme te attend koriboli jai thaka samai thurikena jaishe. Local media khobor hesab te hill-based extremist outfit laga 20 jun armed cadres neshina para Abonmai ke Pallong bosti osor te thurikena jaishe. Police para etu incident nemite khobor paboli ase aro itya dak kaun militant group para ke tribal leader te morai-deya laga nam naloikena ase koishe. Organisations alag-alag para etu incident toh condemned korishe aro tai morai deya manuh ke nemite ase janai thiboli koishe.