DELHI, NOVEMBER 25 : Sunday din Oil Marketing Companies (OMC) pora dail laga daam kan toh 4 Metro Cities te 50 paise pora namaidese. Etubi 1 litre te. Eneka huikena edia toh Delhi te Petrol dail laga daam 1 litre te Rs. 74.84 huise, Kolkata te 1 litre te Rs. 76.82 huise, Mumbai te 1 litre te Rs. 80.38 huise aro Chennai te Rs. 77.69 huise koi kena, Indian Oil Corporation (IOC) pora janaise. Diesel dail laga daam toh Delhi te Rs. 69.70 1 litre te huise, Kolkata te 1 litre te Rs. 71.55 huise, Mumbai te Rs. 72.99 huise aro Chennai te Rs. 73.63 huise koise.
Saturday din te toh Petrol dail daam toh Delhi te 1 litre te Rs. 75.25 thaka laga ase, Kolkata te 1 litre te Rs. 77.22 thaka laga ase, Mumbai te Rs. 80.79 aro Chennai te Rs. 78.12 thaka laga ase koise.
Hutai din etu dail daam sabole kura hisabte Domestic dail daam saa toh International dail daam hisabte hi ase koise. Etu pora State laga Oil Marketing Companies kan kobi Indian Oil, Bharat Petroleum aro Hindustan Petroleum kan hutai dail daam toh 6:00 am pora ekta hisab kuribole kuri. Aro etu hisab kuribole laga toh Sorkar kan pora June moina, etu sal pora suru kurikena sabole kuribi koa karne sabole kura laga ase koise. Kele boila toh besi daam thakise. Etu karne etu dail daam besi utha karne olop hisab kuribole nemite koi kena.
Add Comment