WSYF kan Inter Area Cultural Competition manaise

Western Sumi Youth Front kan tai kan laga ahke Inter Area Cultural Competition toh Niuland Town te manaise. Etubi 24^th November 2018 te. Etu ke Sumis manu kan besi jun kissim-kissim kabara lakai kena (with Colourful traditional attires) hisha kuri thakise koise.

Etu din laga Morning Session te Special Guest nemite ahe kena Advisor for Skill Development, Labour aro Employment aro CAWD, Kazheto, Kinimi pora bhal kotha kuridese. Etu ke tai Sumi community laga Rich Culture aro Traditions toh bhal te pachaide kena ahkete luijabole karne ahkete ahebi koi kena janaise. Aro tai bi WSYF kan ke etu nesena 1^st Inter Area Cultural Competition ulabole kurikena mana pora besi khushi baa aro bhal kotha janaise koise. Etu oporte tai bi Sumis manu kan ke ekjun-ekjun ke tai kan neju Sumi kotha pora kurikena thakibi. Kele etu porahi tai kan laga bhal kotha toh ahkete luijaidiya hobo koi kena. Aro Youth kan kebi Government pora alak-alak Training Programmes nemite hisha kurikena thakibole diya ke bhal te kam julai kena ahkete luijabole kuribi. Kele etu porahi tai kan neju Youth kan kam nabai kena thaka kan ke ekta bhal Opai baa huijabole karne koi kena janaise. Etu kan sob oporte tai bi Youth kan ke tai kan Community ke bhal kam aro adat pora kam julai kena ahkete luijabole kuribi koi kena bhal kotha janaise.

Etu din te WSYF President, Head GB, Mughavi Awomi pora Presidential Address janaidiya time te etu din manabole kura laga asul babuna toh tai kan neju Sumi Tribe laga Cultural aro Traditional Practices kan toh naharaide kena bhal te ahkete luijaidebole karne ase koise.

Etu din laga suru Programme bejete Cultural Competitions thakise. Etu ke Youths kan Dimapur, East Dimapur, Niuland, Aghunaqa, Sakipheto, Ato, Kuhuboto, Laghilato aro Khaghaboto jaka pora hisha kurikena thakise. Aro “Aphilokuwo” Category te Kuhuboto kan ahke Prize luise. Etu bejete 2^nd toh Dimapur aro  Aghunaqa pora luikena thakise koise. “Thigale” category te toh Niuland pora ahke Prize luise aro 2^nd toh Kuhuboto pora luikena thakise. “ Ami Kukula” category te toh Sakipheto pora ahkete Prize luise aro 2^nd toh Aghunaqa pora luise. “Pux” Kuxu category te toh Ato pora ahke Prize luise aro Laghilato pora 2^nd Prize luise. “Itsa Kuxu” category te toh Aghunaqa pora ahke Prize luise aro Khaghaboto pora 2^nd Prize luise. “Atuna Pukuxuni:” category te toh East Dimapur pora ahke Prize luise aro Dimapur pora 2^nd Prize luise. Aro last te “Angu Eno Azuta Mula Kuxu” category te toh Kuhuboto pora ahke Prize luise aro East Dimapur pora 2^nd Prize luise koise.

Etu din laga Evening Session te toh Guest of Honour nemite Sr. Treasury Officer Dimapur, Khekaho Aye thakise. Etu ke kotha kurikena tai ami kan Naga manu kan ke Cultural nemite besi dhuni ase. Etu pora etu nesena Culture aro Traditions kan toh bhal te pachaide kena ahebole laga Generation kan nemite ahkete bhal te luijaidebole kuribi koi kena mon dangor kura kotha janaise.