SITTWE, MYANMAR, NOVEMBER 25 : Bangladesh desh pora Rohingya Muslims kan toh Myanmar desh laga Rakhine state te wabas anedebole kura ke aro besi dangor chamala ulai ase. Etu ke Myanmar desh laga Rakhine state manu kan etu Rohingya Muslims kan Bangladesh desh ahebole nadebo koi kena Protest manai ase koise. Kele etu Rohingya Muslims kan toh etu Rakhine state te nathakibo koi kena bolaijaa manu kan ase. Aro kele tai kan edia toh wabas anedebole kuri ase koi kena.
Etu Protest man ate 100 jun manu kan Buddhist Monks kan pora ahkete luijaide kena manai ase. Etubi tai kan Rakhine State Capital Sittwe te. Aro etu Protest mana te Red Banners aro Chanting Slogans kan (Kotha lekhe kena thaka kakus thurikena) thurikena thakise koise.
Facebook pora khobor baa hisabte etu Protest mana te 1 jun Monk toh tai kan desh nemite pachabole karne tai kan desh sob manu laga kamhi ase koi kena hala kuri janaise koise. Aro etu oporte tai bi tai kan desh te etu Bengalis (Rohingyas muslims) kan wabas anediya pora tai kan desh logot eku lab nababo koi kena janaide thakise koise.
Etu Protest manabole kura toh kedia Bangladesh aro Myanmar desh 2 jun kotha melai kena 10 din hua bejete kura laga ase. Etubi Rohingya Muslims kan 2017 August te ekdam nahua chamala ulai kena chakara thaka karne bolaijaa ke aro wabas anedebole kotha melaidiya bejete.
Add Comment