New Delhi: Saturday din northeast Delhi’s Nand Nagri jaga te tuita(2) storey building kerikena tinta(3) manuh jokom paishe koikena police para khobor toh janaishe. Etu manuh khan ke hospital te loikena jaishe aro dosura ek jun building pithor te thakibo, police para koishe. Fire department officials laga khobor hesab te, 1.30 pm samai Nand Nagri, auto market te building kerishe koikena khobor ahishe, etu nemite 6 fire tenders etu jaga te joldi te jaishe. Etu building laga ground floor toh dukan thakishe, public para ek jun manuh ke othaishe aro dosura ek jun ke Delhi Fire Services officials para pachaise, koikena DFS Director Atul Garg para khobor toh janaishe. Delhi Chief Minister Arvind Kejriwal para Twitter te koishe ke, tai para halat toh sai ase. “etu building kera accident toh besi mona duhk kotha ase aro parai dak ami khan para relief aro rescue kori ase. Ami etu incident nemite district administration logot narokina khobor kori ase,” koikena para aro janaishe. Police para koishe ke, etu building laga malik toh Dhani Ram aro etu samai tai laga ghor manuh logot bohi thakishe. Jokom kora manuh khan toh Dhani Ram (65) umer, tai laga maiki Anaro Devi (65) umer aro Rajkumar (64) umer thakishe aro tai khan ke GTB hospital te loikena jaishe. Khobor hesab te aro ek jun manuh building para bondh hoikena thakibo, koikena senior police officer para janaishe aro etu samai search opertation jai thakishe.
