National

India te Johnson & Johnson’s Single-Dose Covid Vaccine manishe

August 8, 2021

New Delhi: US pharmaceutical giant Johnson & Johnson’s single-dose COVID-19 vaccine toh India te emergency samai jolaboli manishe, koikena Union Health Minister Mansukh Mandaviya para khobor toh janaishe. “India te vaccine laga basket toh tangor hoikena jai ase! India te Johnson & Johnson’s single-dose COVID-19 vaccine jolaboli manishe. Itya India te 5 EUA vaccines ase aro etu para bemari logot larai kora samai tangor motob bapoli ase,” koikena tai para Saturday din te koishe. Etu vaccine toh India te supply agreement toh vaccine bona company Biological E Limited logot ahibo. “ami khan para aji August 7th 2021 te etu khobor junai thiboli kushi ase, Government of India para Johnson & Johnson COVID-19 single-dose vaccine toh Emergency Use Authorization (EUA) manishe aro etu te 18 umer oper logot COVID pachabo,” koikena Johnson & Johnson India spokesperson para koishe. Healthcare laga vaccine toh  Emergency Use Authorization (EUA) nemite hotikena thaka toh India para manishe. Friday din company para koishe ke, Biological E toh Johnson and Johnson’s global supply chain network te important kam ekta thakibo aro etu para COVID-19 vaccine Janssen supply deya te motob korikena governments, health authorities aro organizations neshina Gavi aro COVAX Facility te supply te motob thibo. Studies para janaishe ke, Johnson & Johnson vaccine para bemar manuh aro bemari ke 66 per cent effective thikaishe aro COVID-19 bemari manuh ke 85 per cent effective ase koishe. Studies hesab te aro etu vaccine loikena 4 hafta thaka beche hospitalizations aro moriboli pachaikena ase. Itya dak India te 5 Covid vaccines toh emergency samai jolaboli manikena ase. Dosura 4 vaccines toh Serum Institute’s Covishield, Bharat Biotech’s Covaxin, Russia’s Sputnik V aro Moderna ase. India te kamyaab hoikena itya dak 50 crore vaccine doses toh desh pura te manuh logot thikena ase. 24 gonda pithor te 49.55 lakh vaccine thishe aro itya dak sob melaikena India te vaccine toh 50.1 crore doses thikena ase koishe.