Dick Dale: Guitarist 81 Umar Te Murise

Dick Dale, Pulp Fiction te suruwat kura somoy te kisim high-speed guitar riff mariya manu 81 umar te murise.

Saturday rati te American musician murise,koi kena tai laga former bassist Sam Bolle pora koise.

Dale ke 1961 laga Let’s Go Trippin’ aro Miserlou khan nishina ganna laga power-chord instrumentals te famous howa pora tai ke bishi manu khan pora King of Surf Guitar laga nam te jani se.

Quentin Tarantino laga 1994 classic Pulp Fiction suruwat laga scene te hisa kura biche te ganna toh famous hoise.

Dale, Richard Monsour laga nam p[ora jonom howa manu pora tai bacha somoy te Middle Eastern folk pora loi kena tai laga amma papa pora kuri Dhaka ke huni dhakise.

Rolling Stone magazine pora Encyclopedia of Rock & Roll te koise ki “Dale pora musical genre suru kura toh Beach Boy Brian Wilson aro alak khan pora biche te famous kuri dise “.

Ektam kosish manu, Dale pora Newport Beach laga Rendezvous Ballroom te hotai ahi kena 1950s te Los Angeles tai laga fans khan jama kuri dise. Boston te jonam howa  guitarist pora koise tai laga musical style toh rockabilly music laga melodies aro sagar bani laga awas mila laga awas ase.

Dale toh baya-hat manu dhakise aro daya hat pora guitar upside down aro backward mariya suru hoise kintoh tai pora custom model lobole bariya nai.

Etu sob toh tai legendary guitar bona manu Leo Fender ke log kuriya biche te botli hoise,tai pora Dale ke guitars aro amp ke test kurise koi le toh baya-hat model hobole offer kurise.

“Moi Leo laga personal guinea pig hoi jaise,” Dale pora 1997 interview te koise. ” Fender company laga pora ki ahibo etu sob moi pora bachaise.”

Tai pora amplifier ekta biche te ekta koi kena Fender pora LA guitarists logot te popular howa “Dick Dale Dual Showman” doubled-sized amplifier nabona tok bhatai dhakise.

Dale pora 80s tok ahise, aro tai pora kose ki tai 1960s te lagiya laga cancer aro 2015 te wwapas ula laga medical bills karne tai pora 80s tok tour jaise.

Etya tok toh tai muriya laga matlob toh najane.

Tai laga maiki, Lana, aro bacha James logot te dhakise.