Sri Lanka, 14 March : Former Sri Lanka skipper Lahiru Thirimanne toh Anuradhapura dey Sri Lanka dey ekta gaari accident hua piche dey hospitalised huishey Thursday dey. Tai nijor laga gaari dey sawari kuri thakishey kuntu ekta serious head-on collision huishey aro taike Anuradhapura Teaching Hospital dey lui jaishey. Tai laga jokhum upar dey khobor nai huilewi tai itia stable haalat dey asey. Reports kui asey ki Thirimanne logot gaari dey kom se kom ekta passenger thakisheh aro itu manu bhi itu hospital dey treatment pai asey.
Thirimanne toh itia New York Strikers karney Legends Cricket karney khili thakishey aro itu franchise para itu ghatna upar dey ekta official statement janai dishey.
Newswire.lk laga hisab dey, Thirimanne toh pilgrimage dey thakishey kitia itu accident huishey. Itu gaari toh ekta lorry dey jaina lagishey kuntu alag side para ahi thakishey aro itu ghatna dey biya para damage huishey.
Thirimanne para tai laga decade-lamba career dey 44 Test matches, 127 ODIs aro 26 T20Is khilishey. Tai three T20 World Cup campaigns laga ekta part thakishey triumphant 2014 edition milaina. Tai July 2023 dey retire huishey.
