Game Of Thrones Laga Star Emilia Clarke Ulap Pora Stroke Hoi Kena Muriya Nai

British actress pora 2011 te ulap pora namuriya biche te Dimag te jokom bowa khan ke modot kuribole  nimide charity suru kurise.

Game Of Thrones laga star Emilia Clarke pora hit TV show laga pohila season karne film bona biche te ulap pora stroke hoi kena muriya nai koi kena koise.

TV series te Daenerys Targaryen laga role kuriya British actress,pora jivan te bowa dukh laga kodha aro twei bar naulapole karne surgery kuriya laga kodha kurise.

The New Yorker te, 32 umar pora 2011 te London gym te toilet te nakira ake te howa laga madha bekha laga yad kurise.

Tai pora koise: “Moi toilet te bunjise,aro niche te bohi kena ektam bimar hoi kena suru hoise.

“Etu somoy te, etu bekha toh – ektam bekhai kena jai dhakise.”

“Ekta hesab te, moi ke ki hoi ase moi jani dhakise –Moi laga dimag toh biya hoi kena dhakise.”

Clarke toh ektam biya subarachnoid haemorrhage bimar te dukh dhakise –dimag te khun ulai kena how laga bimar jivan karne bishi khadra. Tai toh etu somoy te 24 umar dhakise  aro tai teen ghonta laga surgery jai kena phal hoise. Surgeons managing pora tai laga madha laga hardi operate kuribole karne khuliya hi nai hoile bhi, Clarke toh tai udhiya somoy te tai laga nam bhi yad kuribole nabari kena dhakise.

Tai pora likhise: “Moi laga bura nam toh Emilia Isobel Euphemia Rose Clarke ase. Hoile bhi etya moi yad kuribole naparey.

“Etu botli, moi lag amok te misa misi laga kodha ulai dhaki kena  moi andha hoise naki koi kena bhui dhakise.Moi enika bhui toh kipdya bhi kuribole mon nai.”

Clarke phal hobole parise aro khor te wapas ahise – hoile be tai hospital nachariya ake te, doctors pora tai ke aro ekta phale bimar ase etu ke sabole lagibo koi kena koi dise.

Twei sal, Game Of Thrones season teenta bonai kena khotom howa biche te, scan pora dekhai se ki etu bimar toh tangor hoise aro operate kuribole lage.

2013 laga etu operation toh bariya nai, aro tai laga madha kati kena operation kuribole laga surgery Karen jaise.Tai pora likhise ki tai logot te tai laga madha pora gan tok kadiya laga daki rakhi dise “.

Clarke pora  Dimag te jokom bowa khan ke modot kuribole  nimide charity suru kuriya somoy te tai laga bimar laga kodha ulai dise aro khobor khan ke be allow kurise.