Ahmedabad, 21 May : Indian Premier League te, Gujarat Titans etiya evening te Chennai Super Kings logot face kuribo Narendra Modi Stadium te. Match tu 7:30 PM te start hobo.
Gujarat Titans already Playoffs te place secure kuri dise, ketiya Chennai Super Kings points table laga fourth spot nimite tai laga chances strengthen kuribole try kuribo.
Meanwhile, Kolkata Knight Riders last night Eden Gardens te Mumbai Indians ke four wickets te harai ke Playoff hopes alive rakhi dise.
Rain-affected match te 148 runs target chase kurikena, Kolkata Knight Riders seven balls baki thaki target reach kuri dise. Manish Pandey 45 runs loi top-score kurise, aru Rovman Powell 40 runs add kuri dise. Manish Pandey ke Player of the Match declare kuri dise.
Agey te, Mumbai Indians bat kuribole jai kena stipulated 20 overs te 147 for 8 score kurise. Mumbai nimite, Corbin Bosch three wickets loise.
