Haryana te Lockdown aro August 23 dak othaishe

Chandigarh: Haryana government para coronavirus lockdown toh August 23 darik te aro othaishe koikena junaishe, hoilebi etu samai restaurants, malls, shops aro dosura kam nemite restrictions samai thikena thaka toh hataishe koishe. Order ekta te Chief Secretary Vijai Vardhan para koishe ke, notun guidelines toh Monday din 5 am para soruh hoishe. Etu order te, kaun manuh face bondh nakorikena nahoike mask nalakaina public aro private transport te peraboli mana koribo aro etu oper te government aro private building te services aro goods loboli naparibo koishe. “aro janaishe ke, no mask-no service toh State te besi kara para julibo,” koikena Disaster Management Act, 2005 pithor te order toh janaishe. Order te aro koishe ke, Covid nemite five-fold strategy toh jalo hoikena test-trace-track-vaccinate aro Covid hoshari neum toh maniboli lage koishe. Order te aro janaishe ke, jodi lageli deputy commissioners CrPC pithor te Section 144 (order prohibiting gatherings) toh jolaboli paribo koishe. “Mahamari Alert-Surakshit Haryana te aro August 9 darik 5am para loikena August 23 darik 5am samai dak Haryana state te extended korishe, koikena order para janaishe. Lockdown restrictions te Shops, bars, restaurants aro malls nemite kuliboli samai thikena thaka toh hataishe, order te koishe. Itya dak te State te shops toh 9 am para 8 pm samai dak kuliboli thikena  aro malls toh 10 am para 8 pm dak manikena ase. Restaurant aro bars toh 10 am para 11 pm dak kam koriboli thikena ase. Etu samai hatai deya te, Sunday din laga order te koishe ke, Covid hoshari neum oper te social distancing, sanitization aro seating capacity toh maniboli lage koishe. State government para lockdown toh “Mahamari Alert-Surakshit Haryana (Epidemic Alert-Safe Haryana)” koikena ase. Etu toh May 3 darik te janaishe aro besi paar extended korikena ase koishe.