Mumbai te August 15 para local train services soruh

August 13, 2021. Sunday din te Maharashtra Chief Minister Uddhav Thackeray para junaishe ke, “passengers para mobile app te (local) train passes download koriboli paribo. Kaun manuh smartphones nai city municipal ward offices aro suburban railway stations te para photo passes loboli paribo.” Chief Minister para aro koishe ke, “aro dosura kotha besi ase, ami etu nemite kotha nakoribo. Covid dukh toh aro kotom howa nai. Monday din task force logot meeting kora beche, hotels, malls, religious places aro dosura kotha nemite fesla koribo.” Laeders khan para politics te Corona samil nakoriboli lage. Kaun manuh khan para provoke kori ase etu manuh laga kotha namanibe. Kerala aro dosura countries te cases besi othi ase, ami khan itya keman neshina oxygen beds othaboli kotha kori ase, tai para janaishe. “ami khan para local trains te peraboli August 15 darik para permission thi ase. Kaun manuh tuita(2) doses loishe aro 14 din hoikena ase, tai khan ke train te peraboli thiboi,” tai aro janaishe. CM Uddhav Thackeray para aro koishe ke, “March-February moina te Corona toh kotom hoishe pabana korishe, hoilebi etu beche Vidarbha te wave ahishe. Etu beche Covid virus toh notun avatar te jowa janaishe. Itya delta variant toh besi joldi pheli jai ase. Corona laga notun neum janibo nemite ami khan para Genome Sequence Test Lab soruh hoishe. “ami khan pulai laga dukh para janaishe ke, jodi ami khan corona toh narokaile hokom maniboli kam nai. Itya vaccination jalo hoi ase. Vaccination toh tangor hesab te nakorile toh konuba steps aro rules toh maniboli lage,” koikena Thackeray para janaishe. Etu bemari rokabo nemite, kam toh hatai din bhal nemite koriboli lage koishe.